ABOUT

Noor e Furqan infomentary 2019

ڈاکٹر شہناز مزمل، منتخب اشعار سال 2020

ڈاکٹر شہناز مزمل، منتخب اشعار سال 2020

مجھے راستوں کی خبر نہ تھی اڑی خاک میرے وجود کی
میں تلاش کرتی ہوئی تجھے ترے لامکاں سے گذر گئی

شاعرہ: ڈاکٹر شہناز مزمل
تصنیف: عہدِ ...شہناز

اب جُنوں کی انتہا ہونے کو ہے
کیا خبر کیا سانحہ ہونے کو ہے

شاعرہ: ڈاکٹر شہناز مزمل
تصنیف: عہدِ شہناز

میں چنار اور جنگل رات بھر اکیلے تھے
چاند کے سلگنے کا بھید پانے ٹھہرے تھے

شاعرہ: ڈاکٹر شہناز مزمل
تصنیف: عہدِ شہناز

کرچیاں سی بکھری تھیں ہر طرف فضاﺅں میں
پتھروں کے شہروں میں آئینوں کے میلے تھے

شاعرہ: ڈاکٹر شہناز مزمل
تصنیف: عہدِ شہناز

خالی نظروں سے مجھے دیکھا کہا کچھ بھی نہیں
کیا ہوا ایسا کہ کہنے کو رہا کچھ بھی نہیں

شاعرہ: ڈاکٹر شہناز مزمل
تصنیف: عہدِ شہناز

عکس مجھ کو کیا دکھائے گا یہ ٹوٹا آئینہ
کرچیاں بکھری ہیں ہر سو اور بچا کچھ بھی نہیں

شاعرہ: ڈاکٹر شہناز مزمل
تصنیف: عہدِ شہناز

اپنی اپنی ذات کی دہلیز پہ سب رُک گئے
مل کے لکھا فیصلہ لیکن ہوا کچھ بھی نہیں

شاعرہ: ڈاکٹر شہناز مزمل
تصنیف: عہدِ شہناز

سائے پھیل جاتے ہیں درد رُت کے ڈھلنے سے
چہرہ کس کا بدلا ہے آئینے بدلنے سے

شاعرہ: ڈاکٹر شہناز مزمل
تصنیف: عہدِ شہناز

جنگلوں کے سناٹے روح میں اترتے ہیں
خواہشوں کے موسم میں پافگار چلنے سے

شاعرہ: ڈاکٹر شہناز مزمل
تصنیف: عہدِ شہناز

خواب پھر سے جاگے ہیں نیم خواب آنکھوں میں
گھنٹیاں سی بجتی ہیں آرزو بدلنے سے

شاعرہ: ڈاکٹر شہناز مزمل
تصنیف: عہدِ شہناز

آﺅ ایسا کرتے ہیں رہبر بدلتے ہیں
دیکھیں کون ملتا ہے منزلیں بدلنے سے

شاعرہ: ڈاکٹر شہناز مزمل
تصنیف: عہدِ شہناز

ظلمتوں کے چہرے سے آئینے ہٹا ڈالو
روشنی تو ہو گی کچھ جگنوﺅں کے جلنے سے

شاعرہ: ڈاکٹر شہناز مزمل
تصنیف: عہدِ شہناز

چندا کی تنویر چرائی جا سکتی تھی
مٹی کی تقدیر جگائی جا سکتی تھی

شاعرہ: ڈاکٹر شہناز مزمل
تصنیف: عہدِ شہناز

کسی کی چنری میں دھوپ باندھی کسی کو وجہءجمال رکھا
کسی کے دامن میں صبح ٹانکی کسی کو شب کی مثال رکھا

شاعرہ: ڈاکٹر شہناز مزمل
تصنیف: عہدِ شہناز

رضا پہ تیری ہوئی میں راضی مگر مجھے آج یہ بتا دے
جواب سارے دیئے کسی کو مرے لیے کیوں سوال رکھا

شاعرہ: ڈاکٹر شہناز مزمل
تصنیف: عہدِ شہناز

زندگی تیرے سوالات سے ڈر لگتا ہے
چشمِ پُر نم تری برسات سے ڈر لگتا ہے

شاعرہ: ڈاکٹر شہناز مزمل
تصنیف: عہدِ شہناز

مسئلے لے کے نکل آتا ہے دن کا سُورج
لوگ کہتے ہیں اُنہیں رات سے ڈر لگتا ہے

شاعرہ: ڈاکٹر شہناز مزمل
تصنیف: عہدِ شہناز

سب نے اجداد کو معبود بنا رکھا ہے
ہم کو ورثے میں ملی ذات سے ڈر لگتا ہے

شاعرہ: ڈاکٹر شہناز مزمل
تصنیف: عہدِ شہناز

فصلِ گل میں خوشبوؤں کی قید میں جکڑے رہے
پتھروں سے زخم تک کا فاصلہ کیسا رہا

شاعرہ: ڈاکٹر شہناز مزمل
تصنیف: عہدِ شہناز

کہیں پھول تھے کہیں تتلیاں کہیں زخم تھے کہیں بجلیاں
میں خمار میں تھی بہار کے میں ہر اک خزاں سے گذر گئی

شاعرہ: ڈاکٹر شہناز مزمل
تصنیف: عہدِ شہناز

ہم اپنی ذات کی کچھ اس طرح تفہیم کرتے ہیں
محبت بانٹتے ہیں چاہتیں تقسیم کرتے ہیں

شاعرہ: ڈاکٹر شہناز مزمل
تصنیف: عہدِ شہناز

دشمنوں سے دوستی کا تجربہ کیسا رہا
بد گمانی میں گماں کا ذائقہ کیسا رہا

شاعرہ: ڈاکٹر شہناز مزمل
تصنیف: عہدِ شہناز

مجھے بھی دیں گے وہ حصہ یہ کیسے سوچ لیا
میں اتنی دور کھڑی ہوں میں کب قطار میں ہوں

شاعرہ: ڈاکٹر شہناز مزمل
تصنیف: عہدِ شہناز

اپنے آ پ میں کھونے دے اب
عشق تماشا ہونے دے اب

شاعرہ: ڈاکٹر شہناز مزمل
تصنیف: عہدِ شہناز

اپنی تلاش کرتے زمانہ گذر گیا
میں کون ہوں میں کس لیے دنیا میں آ گئی

شاعرہ: ڈاکٹر شہناز مزمل
تصنیف: عہدِ شہناز

مسافت کی تھکن اس لوٹنے والے سے مت پوچھو
جسے ساحل دکھا کر پھر سمندر میں اتارا ہو

شاعرہ: ڈاکٹر شہناز مزمل
تصنیف: عہدِ شہناز

ہوں کہاں کیسی ہو ں کچھ بھی نہ مجھے یاد رہا
مجھ کو خود سے بھی ملے ایک زمانہ گذرا

شاعرہ: ڈاکٹر شہناز مزمل
تصنیف: عہدِ شہناز

دھوپ کی بستی میں پتھر کا بناتی سائباں
موم سے ترشا ہوا شہناز گھر بےکار تھا

شاعرہ: ڈاکٹر شہناز مزمل
تصنیف: عہدِ شہناز

بتاؤ چھین کر اپنا حوالہ
مجھے کس کے حوالے کر دیا ہے

شاعرہ: ڈاکٹر شہناز مزمل
تصنیف: عہدِ شہناز

تلاشِ فصل گل میں پتیاں سب نوچ ڈالی ہیں
ہوا میں سب ہی کچھ تحریر ہے پر ہاتھ خالی ہیں

شاعرہ: ڈاکٹر شہناز مزمل
تصنیف: عہدِ شہناز
0 Comments[+] Show More

محترمہ ڈاکٹر شہناز مزمل : نظموں کے تراشے

محترمہ ڈاکٹر شہناز مزمل : نظموں کے تراشے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاعرہ: محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھنور

آخری بار تقاضا ہے مرا یہ تجھ سے
جسم کی اندھی فصیلوں سے صدا دے مجھ کو
کوئی بھی عالمِ امکاں ...دکھادے مجھ کو
گردشِ وقت کے گر سارے بھنور میرے ہیں
چشم پوشی کا سلیقہ ہی سکھا دے مجھ کو

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال

میں اکثر ادھ کھلی آنکھوں سے اپنے ہمسفر کو دیکھتی ہوں پوچھتی ہوں
ذراتم ہی بتا دو نا
دریدہ ہاتھ چھالے پاؤں کے کہتے ہیں کیا جاناں
کہیں منزل سے آ گے تو نہیں ہم تم نکل آئے

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شب گزیدہ

ان گنت صدیوں کے سورج سے جھلستا یہ دماغ
کسطرح درد سے پھٹتی ہوئی شریانوں کو
کوئی مرھم کوئی تریاقِ شبِ غم دے گا
کچھ نہ کچھ اترے کہیں سے کی شبِ غم گزرے
شب گزیدہ کے لئے آ ج تو دشوار ہے رات

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حصارِ آ ئینہ خانہ

ہوائے شب گریزاں ہے
عجب سا حبس موسم ہے
حصارِ آ ئینہ خانہ
لگا ہے ٹوٹنے جاناں
سبھی منظر بدلتے ہیں
مرا منظر بھی اب بدلے

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی کچھ خواب بننا تھے

مری چنری کے پلو میں مرے دستِ حنائی میں
مہکتی یاد کی کلیوں کے گجرے کس نے باندھے ہیں
خلا کے پار تکتے تکتے بینائی بھی پتھرائی
ابھی کچھ خواب بننا تھے ابھی کچھ اور کہنا تھا

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بچپن

ریت کے ساحل پہ کچے گھر بنانا توڑنا
تتلیوں کے پر ہتھیلی پر سجانا سوچنا
دن ڈھلے یونہی کھڑے رہنا گھنے پیڑوں تلے
گھر پلٹتے پنچھیوں کی خیریت کا پوچھنا

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رتجگوں کی مسافت

یہ کیسا رتجگا ہے
یہ بے خوابی سی کیسی آج آ نکھوں میں اترتی ہے
کی یہ دکھتا بدن اکھڑتی سانس کہتی ہے
کوئی خوابِ حسیں ہی بھیک میں مجھ کو کبھی دے دے
وگرنہ اے خدا یہ زندگی لے لے

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الکھ نگری

کس پتھر کے دل سے ٹوٹ کر ایسی دعا نکلے
جو میرے جذب کو میرے جنوں کو
وحشتوں کی آ گ سے بھڑکے الاؤ کو
نیا اک رنگ بخشے اور
دعاؤں کاحسیں منظر
مقدر کی ہر اک دشوار راہ آ سان کر جائے

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرگوشیاں

آ ئینہ چاند کا مکدر ہے
اور تاروں کے بجھ گئے ہیں چراغ
کچھ زمیں پر بھی ابتری سی ہے
پھول سر گوشیوں میں کہتے ہیں
کوئی طوفان آ نے والا ہے

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جی چاھتا ہے

میں مسکراؤں گر توفضائیں بھی ہنس پڑیں
گر آ نکھ میری نم ہو تو پھر میرے ساتھ ساتھ
یہ آ بشار جھرنے یہ بادل برس پڑیں
یہ تتلیاں یہ جھیل سمندر یہ کوھسار
خود اپنی وسعتوں میں مجھے بھی سمیٹ لیں
جی چاہتا ہے خود پہ مجھے اختیار ہو
میرا وجود اس سمے مجھ پر نہ بار
ہو

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بچھڑی ساعتوں کا دائرہ

کبھی برقِ تپاں بھی یاد میں چمکی تو ہو گی نا
کبھی رم جھم کی دھیمی رت بھی گدلائے گی آ نکھوں میں
ہر اک منظر پسِ منظر بدل ڈالے گا پل بھر میں
کھلی آنکھوں سے سپنے دیکھنا عادت رہی ہوگی
وہ اکثر بیٹھ کر تنہا
مرے موسم مرے ہمراہ بیٹھا دیکھتا ہو گا

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موم کے سائبان

سکوتِ شام میں بجتی ہوئی گھنٹی کی آ وازیں
اُفق پر ڈوبتے سورج کی سرخی تیرتے بادل
فضا میں ہر بدلتی رت کی چاروں اور ہے خوشبو
وہی منظر کسی سپنے کی صورت آ نکھ کی پتلی میں رہنے دو
ہجومِ بیکراں ہے کوئی سمجھا ہے نہ سمجھے گا
کسی برگد کا دکھ اور ڈار سے بچھڑی ہوئی اک کونج کی لمبی اڑانوں کو

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وارثِ زنداں

اس گردشِ دوراں کو بنا کر مری بیڑی
اک گوشہء تاریک میں پھینکا گیا مجھ کو
اب زیست کے ساتھی ہیں خموشی در و دیوار
خوش آ گئی ہے وحشتِ تنہا ئیء خونبار
اس کنجِ قفس کو تو نہ چھینو کوئی مجھ سے
میں وارثِ زنداں ہو مجھے کوئی تو حق دو

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برزخِ احساس

عکس پنہاں ہے ترے شہر کا ان آ نکھوں میں
جاگتی آنکھوں میں سپنے ہیں سجائے میں نے
میں ہوں سودائی مجھے برزخِ احساس میں اج
اپنی ہر ایک تمنا کو جلانا ہو گا
تجھ سے تجدیدِ محبت کا تقاضا کیسا
اپنا ہر نقش مٹا کر تجھے پانا ہو گا

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زرد موسم

شام نگر ہو اور یہ سورج
جھیل کنارے ڈوب رہا ہو
سرخ ردا میں لپٹا چہرہ
دھیرے دھیرے بھیگ رہا ہو
بھیگی رت ہو سرد ہوا ہو
اور جذبوں سے عاری چہرہ زرد ہوا ہو

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دمِ فیصلہ

صوبِ تاریک پر کھڑی ہوکر
قفلِ ابجد نہ کھول پاؤں میں
سامنے لمعہ معاد بھی ہے
کیوں دمِ فیصلہ ہوں لب بستہ
اسمِ اعظم سے در نہیں کھلتے
دور خود یافتی کی منزل ہے
ڈھونڈ لوں اب فرار کا رستہ

محترمہ ڈاکٹر شہناز مزمل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔[+] Show More

Ehad E Shahnaz by Mian Waqar ul Islam

عہد شہناز

تحریر: میاں وقارالاسلام

جب ہم سے پوچھا جائے گا کہ دنیا میں کتنے عرصہ رہے تو ہم کہہ اُٹھیں گے کہ ایک دن یا پھر اس سے بھی کم۔ ہمیں ...لگتا ہے کہ ہمارا عہد بہت بڑا ہے، مگر حقیقت یہ ہے کہ زندگی بہت ہی مختصر ہے اور پلک جھپکتے ہی گزر جاتی ہے۔

اگر ہم اپنے ماضی کی طرف دیکھیں تو سالوں پرانی بات بھی ایسے معلوم ہوتی ہے کہ جیسے ابھی کل ہی کی تو بات تھی۔اور بس پھر ایک کل آتا ہے جو ہمیں اپنے ساتھ لے جاتا ہے اور ہماری زندگی بھی ایک قصہ اور کہانی بن کر رہی جاتی ہے اور پھر وہ کہانی بھی بھلا دی جاتی ہے۔

مگر کچھ لوگوں کی کہانیاں یاد رکھی جاتی ہیں، کیوں کہ وہ اپنے نام کو اپنے عہد کے ساتھ اس طرح منسوب کر لیتے ہیں کہ ہمیشہ یاد رکھے جاتے ہیں۔ یہ لوگ اپنے عہد کے ساتھ وفا کرتے ہیں۔ جس کام کے لیے انہیں خاص کیا جاتا ہے وہ اس کام کے ساتھ وفا کرتے ہیں۔ یوں ان کا عہد ایک سنہری عہد میں تبدیل ہو جاتا ہے۔ ایسے ہی ایک عہد کا نام ہے " عہد شہناز"۔

مادر ِ دبستانِ لاہور محترمہ ڈاکٹر شہناز مزمل صاحبہ ، چئیر پرسن ، ادب سرائے انٹرنیشنل جنہیں بہت سے اعزازی ناموں سے بھی پہچانا جاتا ہے اور وہ بہت سے اداروں کی اعزازی چئیر پرسن بھی ہیں ۔

ان کی چالیس سے زیادہ کتابیں بھی منظر عام پر آ چکی ہیں اور وہ ہزاروں لکھنے اور لاکھوں پڑھنے والوں کی روح رواں بھی ہیں ان کے کام کو دیکھ کر لگتا ہے کہ انہوں نے اپنے کام اور اپنے عہد کے ساتھ خوب وفا کی ہے۔

"آج کی بات" ان کی وفاؤں کا ایک سلسلہ ہے جسے وہ گذشتہ کئی برسوں سے جاری رکھے ہوئے ہیں، اور اس سلسلے کے ذریعے وہ اپنے بے شمار سننے والوں تک روزانہ کی بنیاد پر اپنی آواز میں اپنا پیغام بھیجتی رہتی ہیں۔ آج کی بات کے حوالے سے ان کے پیغامات کے ایک حصے کو کتابی شکل میں محفوظ کیا جا چکا ہے۔ اور باقی حصوں پر بھی کام جاری ہے۔

جب کوئی شخص اپنے کام کے ساتھ وفا کرتا ہے تو اللہ بھی اس پر اپنے فضل و کرم کی بارش بڑھا دیتا ہے۔ یہ ان کی ذات پر اللہ کا خاص کرم ہے کہ اللہ تعالیٰ نے ان کے دل میں محمدصلی اللہ علیہ وسلم کی محبت کو اس حد تک بڑھا دیا کہ ان کے کئی نعتیہ مجموعے بھی مکمل ہو گئے اور ان کی نعتوں کو باقاعدہ ٹی وی ، ریڈیو اور ان کے یوٹیوب چینلز پر بھی نشر کیا جانے لگا۔

نعتوں کے ساتھ ساتھ انہوں نے حمد باری تعالی پر بھی کافی کام کیا ۔ نورِ فرقان منظوم مفہوم ان کی ایک ایسی تخلیق ہے جو اس بات کی گواہ ہے کہ اپنے رب سے کس قدر محبت کرتی ہیں ۔ اپنی اس تخلیق کو انہوں نے بارہ سالوں کی ان تھک محنت سے مکمل کیا ہے ۔جس میں انہوں نے قرانِ مجید کے منظوم مفہوم کو اپنی شاعری کے انداز میں قلم بند کرنے کی کوشش کی ہے۔

اس منفرد کام کو ہر سطح پر بھرپور پزیرائی ملی ہے اور اس کام کونہ صرف تعلیمی اداروں میں سراہا گیا ہے بلکہ اس پر باقاعدہ تحقیقی کام بھی ہوا ہے۔

جو محبت انہوں نے اپنے قلم کے ذریعے اپنے لکھنے اور پڑھنے والوں کو بھیجی ہے یا پھر جس محبت کا اظہار انہوں نے اپنے قلم کے ذریعے اپنے رسول اور اپنے رب سے کیا ہے شاید اسی کو وسیلہ بنا کر نورِ فرقان کو ان کے دل پر اتارا گیا ہے۔اللہ کا فضل ان پر جاری ہے ، بے شک اللہ کے فضل کے بغیر تو کچھ بھی ممکن نہیں۔

محترمہ ڈاکٹر شہناز مزمل صاحبہ نے اپنے عہد کی ہر چیز سے محبت کی ہے، اپنے رسول سے محبت کی ہے اپنے رب سے محبت کی ہے، اپنے استادوں سے محبت کی ہے، اپنے لکھنے اور پڑھنے والوں سے محبت کی ہے، اپنے کام سے محبت کی ہے، اپنے ادارے سے محبت کی ہے، اور اپنے زیرِ سایہ پروان چڑھنے والے ہزاروں قلم کاروں سے محبت کی ہے۔

انہیں محبتوں کی وجہ سے انہوں نے اپنے عہد کو اپنے نام سے منسوب کیا ہے۔ اور اب ان کی یہ بے لوث محبت عشق کی منزلیں طے کر رہی ہے۔ انہوں نے اپنے آپ کو اپنے کام کے لیے وقف کیا ہے تو ان کا کام بھی آج ان کے حق میں بول رہا ہے۔

محترمہ ڈاکٹر شہناز مزمل صاحبہ اپنے آپ کو اپنے عہد کا روشن ستارہ منوانے میں کامیاب رہی ہیں۔ اس ستارے نے میرے دل اور دماغ کو روشن کیا ہے، اور میں حدِ نظر ایسے بہت سے لوگوں کو دیکھتا ہوں جنہیں انہوں نے اپنی علم و ادب کی روشنی سے منور کیا ہے۔

اور میں یہ بھی دیکھتا ہوں کہ ان پر لکھنے والوں نے ان کی تعریف میں بہت کچھ لکھا ہے۔ یہ تو ہو ہی نہیں سکتا کہ کوئی شخص اپنے عہد کو رائیگاں نہ جانے دے اور اللہ تعالیٰ اس کے کام کو رائیگا ں جانے دے۔ میں کچھ نہ بھی لکھوں، کوئی کچھ نہ بھی لکھے، میں کچھ نہ بھی بولوں، کوئی کچھ نہ بھی بولے تو بھی آج ان کا بے مثال کام ان کے حق میں بہت کچھ بول رہا ہے۔ اس میں کوئی دو رائے نہیں کہ ان کا عہد ، ان کا ہی عہد ہے اور ان کے نام سے ہی جانا جائے گا۔

عہدِ شہناز کے لیے دل کی گہرائیوں سے دعا گو
میاں وقارالاسلام، فاؤنڈر وقارِ پاکستان[+] Show More

Qadar Ki Shab | Dr. Shahnaz Muzammil

کسی کی چنری میں دھوپ باندھی

Des Hamara Pakistan 2020

SM Publications Updates 2019

نورِ فرقان تعارفی ویڈیوز

Noor e Furqan infomentary 2019

نورِ فرقان تقریظی مضامین